Ka ngaihtuah mai mai a, ka tet laia inchiu (injection) ka hlauh thin zia kha. Mahse tun thleng hian ka hlauh hi a la reh lo reng reng. Pathian zarah ka dam tha a, inchiu ngai khawpin ka inhliam/damlo lo bawk a, ka inchiu lohna chin pawh ka hre tawh lo.
Ka tet lai chuan ka nu u ka pu Rama hian ka hlau tih a hria, min chhaih peih thei lutuk a, min ti trap reng mai. 'Michael Jackson' a tih ringawt pawn ka trap tuar tuar zel a, a chhan chu 'jackson' tih lai tak khan 'injection' tih nen a in em vang kha a ni a, Michael a tih ringawt pawn ka trap tho mawle. Ka nu in 'Ninawm i ti trap peih lutuk' a tih te hian 'Enge Michael Jackson ka ti ve a ni mai a,' a ti thin a. Tuna ngaihtuah leh hi chuan a nuihzatthlak.
School kal laia invenna lak te khan ka maimitchhing a lehlam ka hawi daih zel, khatih hunlai pawh khan kan intlar thap a, ka hun a thlen dawn hi chuan ka hlau thei rap. Tun thleng hian ka la trih tlat a nih chu.
No comments:
Post a Comment