Puan bih hi a nalh tehlul nen, Mizo nula te hian bihna hun hi kan nei tlem ta lutuk a, inkhawm, inneih leh khawhar in tih bakah hi chuan ka bih ta meuh lo a, veng thenkhatah phei chuan khawhar inah pawh puan an bih tawh ngai lo. Chhuahvahna, college emaw hnathawhna ah te bih ta ila, nula lam te chu mi mak tih hlawh mai te pawh thil awl tak a ni ta zawk.
Lehlamah chuan puan bih kan uar taklohna chhan pakhat chu hnathawhpui a harsat vang niin ka hre ve deuh bawk a, puan bih chung chuan thiltih zung zung te a harsa a, veivak a hnathawk chi tan phei chuan tihchi vak a ni lem lo maithei. (Chuvangin, tihluihna a han inbihtir chu thil tih awm zia zang a ni lo tih chu mitin hriat a nih ka ring - a Taliban zawnga ngaitute tan)
Puan bih ni siam hi kan Hnam incheina tihlar tharlehna chikhat a nih piahlamah nalh ka tih em vangin a theih chin chinah kan YMA te ngenna hi thlawp zel ka tum a ni.
Incheina lam ka ziak ta rau rau bawk a, ka belh duh pakhat chu kan hnam incheina te hi tibawrhbang lova, tih zahawm thiam a pawimawh hle in ka hria a, Mizoram chhung chauh nilo hmun danga phochhuah duhna vangin a nihna ang ngawt lova tihdanglam chang te chu a awm lo thei lova, tunhnaiah Fashion show ah te pawh kan hmu fo a, 'decent' tak, nalh taka an han thui thin te hi chu a nalh fu mai, mahse kan puan chei nalh tak tak them te reuh te te kawr sexy tak tak thui nan an hmang thin hi chu ka lo ui deuh thin. Kan tidanglam a nih pawhin a zahawmna tibawrhbang lo zawnga tih thin nise ka lo ti rilru ve mai mai.
16 comments:
Miss Nancy, i post tha khawp mai. Kei paw'n puanbih chu ka lo thlawp khawp mai. Kawng tam takah thil harsa ni mah se kan tihthan chuan ngaiah kan neih mai dawn a ni. A dik taka sawi chuan Mizo hmeichhe samseite tluka puanbih an awm chuang lo. College lamah pawh puanbih ni siam sela a tha ang :-) Chutiang a nih ngawt loh zirna in lamah zirlai tuman puanbih bik an duh tawhin ka ring lo.
Kan hnam incheina tihbawrhban hi kei paw'n ka duh lem lo. Tihbawrhbanna a ni chiah em tih erawh ngaihtuah a ngai khawpin ka hria. Ka hrethiam lo.
ni e, last para hi chu min thlawp lo leh conservative ltk leh thlir zau lo ang zawnga min ngai poh an awm maithei. Mizo puan pangngai nalh tak taka an thui te hi chu ka thlawp khawp mai, se, a bikin Puan chei hi chu humhalh deuh ka chak, sexy over lo a, nalh leh decent deuh a tihdanglam dan a awm ka ring
A thei chuan apiangin bih se, engemaw rokhawlhna avang leh remchan lohna avanga bih ve thei lote rilru hliamtu nih kher erawh tha ka ti lo e. Pu Chuaua'n fiamthu ti taka a sawi lo lak serious luih tlat a, a Taliban zawnga inkaihhruai tumnaa ngaih tur erawh a ni lo. Mizo zo-na pholanna remchang tak a ni ve tlats.
Nia, tunlai hi chuan puan veh kual hi bih emaw te hi intia, in veng tut reng a nih hi a... bih khaaaat tak in ni... bih zel u la veng loin ka lo thlawp ang che u :D
"Nancy in puan a bih lai ka va bih chak." sawrz - VaiVa
Ka chhuang che.
Office nilaini kher a, puanbih chu ka thlawp lem lo, 'tur' hi a tam ta lutuka, kan nuihzatthlak!. A duh chuan bih se, a duh lo chuan bih lo se, mahse inchei dan mawi leh a hun leh hmun chu a awm. Incheidan mawi inzirtir chu ka sapoot, mahse nilaini a puan bih TUR tih erawh ka sapoooot lo,.. good post
NB: A khawi ber khi nge nangmah!
Mizo hmeichhe conservative tak hi ka zawng fo a mahse an vang khawp mai, nang helaiah i lo awm renga...
Kan culture hi a dynamic em em a, khawthlang lam leh khawchhak lamin nasa taka min influence lai mek hian kan incheina pawh hi kar loah a lo danglam duai duai mai. Kan kalsual lutuk tur ven hi mitin mawhphurhna a ni.
In venga tih ang hian hmun dangah pawh han ti vat se. Puan bih hi a zahthlak loh zia leh kan dinhmun anga a relevant zia show hi a tul a ni. I seriuos awm tak tak hle mai. Be contemplative person as well as you used to be... Nangmah ang hi kan mamawh. Liberal nula kan ngah lutuk a buaithlak....:)
He thu hi zawng entik niah mah sawi zawh ni a awm dawnlo a nih ber mai hi. Duh leh ruakin an awm nghal loh, thulo hlawm e mai. A duh chuan bih se duhlo chuan bihlo se a tawk der. Biakinah puan bih KHER te in ti a law? Biakin neitu a mi in nih a? SALAAA To be honest, in veng YMA chu an thing ka ti. Veng dang YMA pawn an lo ti ve tho a nih chuan an ni pawh chu an thing. HNAM humhalh an ti, midang thil tih dik loh hmu thei em em.. mahni hi in EN hmasak tur. I awm dan khan i HNAM a chawimawi em?
Ka comment lehlo mai ang. Ka lawm e.
Kan veng YMA te hian bih rawh u an ti bur lo, ka ziahchian tehlul nen, thenkhat chuan in la man lo hle mai. Thupek nilovin ngenna a ni a, a duhin an bih a, a duh loin an bih lo mai ka tih mawlh mawlh hi mawle. Ka bih hian ka Hnam ka chawimawi lo pawh nise, kan Hnam incheina pholanna tha tak a ni tih chu ka pawm. Ni e, nilaini kher nilo nidang bih pawh a tha lutuk, peih chuan.
Ei lemlo tak tak an awm pawhin ka hrethiam lutuk tho, mi zawng zawng hi kan rilru a thuhmun thei lo tlat hek. Keipawhin kan rama thil eng eng emaw khap chhen hi ka ning ve tho :D
Post tha tak a ni a, ngaihtuahna pawh a kal thui duh khawp mai... Lungdum magazine a tarlan atan ka it riau mai a, rem i tih chuan July issue ah hian telh theih ni se a va lawmawm dawn em...
Rem ti tehlul mai. Keini thuziak chhuahchhawn tlaka i ngai chu a lawmawm khawp mai. Se, credit mumal taka pek ni ve se.
I tawngkam tha um vat ila a tih chi dawn riau.. :-)
Engtin nge i hming ka ziah ang?
ka blog atanga lakchhuah angin, nancyremruati.blogspot.com tiin dah mai la
i thil post tehi a tha thei thin hle mai..post leh zel rawh....
i thil post te chhiar a manhla thin e...
Post a Comment