Kumthar Chibai / Fireworks

Kum a thar a, miin an blog an update sup sup a, mi tihdan ka copy vang pawh ni hran chuang lovin ka blog fahrah te hi ka'n update ve reng reng ange. A hmasa berin Kumthar Chibai vek ule (ka tlai chhe chhe khawp mai :)).

Tlai deuh tawh mahse, kumhlui thlahzan lam kha kan thupui lawk teh ang. Kan naupan lai kha chuan dar 12 men thlen kha thil hautak tak a ni thin a, tunah chuan dar 12 men thlen te lek lek chu a ho tawh e, zan dangah pawh kan meng thleng fo.

Kum kalta te ang bawkin khatih lai khan khap tam tak zingah halpuah /halmawi hal khap a ni a. Hetiang ri hriat tur a awm lo, an khap hlawhtling khawp mai. Halpuah hal khap hi sawisel ka tum hran lova, mahse khatia reh deuh thiapa kumthar han thlen kha a ho deuh riau hian ka hria a, ka lo ui deuh tlat. Chuvangin, mi ram tihloh dan pawh a ni chuang lova, heng ang zan na na hi chuan tlemin rilru han tizau deuh ila, Aizawl khawpui ep khawi emaw lai (Zokhawsang & Mualpui leh adt.) ah hian sawrkar bultumin emaw halmawi (firework nalh tak tak) halna hi siam nise, dar 12 a rik velah halmawi nalh leh ropui tak tak kha han kap pe ter tuar mai se, mahni in atang hian lo chhim ta mai ila, a nuam ve ngawt chuan ka ring... ti te hian ka ngaihtuahna kan seng ve mai mai a.

http://www.socialslave.com/2011/01/01/new-years-eve-2011-celebration-around-the-world/

Chuan, hmanni a ka sms dawn kan share ve pah lawk ang che u...
"Mas a zo tawh a, Mari pawh a tha e, a inhliam hlek chauh a ni. Josefa pawn a hna a zawm leh tawh a, khawchhak mifingte pawhin tluang takin an khua an thleng leh ta. Berampu te pawhin beram ven an tan leh tawh bawk. Tumah ngaihtuahawm an awm lo ve. Lal Heroda paw'n nausen pakhat mai mai vanga rilru sen buai a peih tawh lova, NLUP a ranglama sem a tum. Josefa'n an present dawn Mura rimtui velte kha mistiri buangrua lei nan a sawr bawk. Berampute pawn tun kar ralta atang khan beram loan an buaipui."