keimah

Ka inhrethiam lo fo thin. Thil ti ngei ngei tura ka inngaih te hi ka thulh leh fo a, ka tih loh tura ka ngaih te hi ka ti leh thut thin. Ka thiltih a hunlaia awm ang taka ka ngaih te hi a hnuah ka ngaihtuah let a, tihawm loh tita nia inngaiin ka zak leh rum rum chang a awm, hei hian min tih dawi phah a, ka tih tum ka thulh leh chhan pawh a ni thin. A chang chuan ka thil tih tum vakloh ka tih a, ti fuh ka intih em em chang pawh a awm ve bawk. Ka huaisen tawk lo ka inti a, mahni inrintawkna neilo ka inti bawk. Hmasawn tumin ke ka pen ve chhet chhet a, hei vang hian a chang chuan inrintawkna zawng zawng hi ka nei ta emaw tih chang ka nei a, a changleh chung inrintawkna zawng zawng chu a bo leh duak bawk a. Chuvang chuan ka inhrethiam lo fo. Mi rilru tihnat leh mi sawisel ka hlauh ang bawkin chutiang chuan miin min ti ang tih ka hlau a, ka ngaihtuah chang chuan ka thil hlauh te chu ka ngam ngei ngaiin ka hria a, tha leh dik nia ka hriatah chuan mi min sawisel leh tihnat pawh huamin, chutiang bawka mi tih chu ka huam ve tho tur niin ka inhre bawk.