Pathianni (19.4.09) zan khan kan vengah mitthi kan nei a, mitthi hi kum 37 mi, pa fapa 2 nei a ni a. A fa upa zawk hi pawl 3 emaw pawl 4 (ka hre chiang chiah lo) a nia, a naupang zawk chu school kal rual pawh a la ni lo. Hemi ka ziahna chhan tak chu a fapate hi ka lainat em vang a ni a. Thi ka sawi tak nupui kum 32 mi chu Ningani (16.4.09) tlai khan a boral a, zanah a ruang tlaivar pui a ni a, chutah pawh chuan an pa hian a fapa te zawk pawmin a ruang pawh an kil ve reng a. Ni 3 hnu vela pa ber a boral leh ta mai hi mihring ngaihah chuan a rapthlak takzet a ni. An fa te hi an la naupang ve bawk si a, a naupang zawk phei hi chuan thil chinchang a la hrethiam vak lova, a rual deuh thaw a nu leh pa an chan hi ka lainat tak zet. Anmahni chawm seilian a, hmangaitu tak tak chu an nei ngei ang, mahse nu leh pa tluk an awm si lo.
Mihring duhthlanna ni se, naupang te pahnih hian an nu leh pa hi a rual deuh thaw in an chan miah lo ang, mahse mihring te hian kan nunah hian thu kan nei si lo. Mitthi chu mitthi an ni tawh a, engmah tihdanglam theih a ni tawh lo a, mahse an kalsan tak an fapate pahnih mawlh mai hi. Keimah lam ka inngaihtuah a, tun thlengin nu leh pa in tha takin min la uap a, engkimah ka la ring a, engkimah anmahni ah ka innghat a, Pathian hnena lawmthu sawi mawlh mawlh tur ka nih zia hi ka hre nawn leh fo thin.
7 comments:
Rilru tha mi tak hi chu i va ni em! An va khawngaihthlak tak ve aw...
"Tun thlenga tih boral loha ka la awm hi Lalpa zahngaihna a lo ni"
Rilru that lam poh ni chiah lo.. keimah lo pawh lainat tu an ngah asin.. an khawngaihthlak takzet
Rilru an khawi hle mai tak a! Engatinge heti an boral mai aw? Eng natna nge an tawrh le?? An fate chu .. Pathianin awmpui mawlh teh se.
An va khawngaihthlak tak ve !! engvanga thi nge an nih? hrithalo tak man rualtu an nei nge? an hrisel lo sa hrim hrim? dilchhut zel teh ang tunge an fate chu la ta i hria m?
Zaia & Amanda - An nu hi Santenpui vang a nia, an pa hi Mitliam vang a nia.. an sawi dan chuan. an pa zawk hi a thi deuh thut a ni ber mai, naupang te hi chu a pi leh pute bulah an awm in ka hria
an va khongaihthlak tak ve o!!! nu leh pa nei lo a than len chu a hre awm asin!!! a u zawk rual vel ka nih hian ka pa in min boral san a mahse ka nu in min la dam pui. ka pa tih tur neih ve loh chu a hreawm khop mai!!! :-(
nang chu nu leh pa i la nei a i la vannei khawp mai. duat leh zah tak khan i enkawl zel dawn nia.
wonderboy - thil reng2 cu a tong ve tu nihloh cuan hriatthiam a har thin a.. nu/pa chan hi a rapthlak tih cu ka hria mahse.. ka ton tur atan hian ka suangtuahchhin thiam lo
Post a Comment