Thinrim thlak lutuk

Aizawl veng laili taka awm kan ni a, Presbyterian Biak in indanna kan kawmchhak chiah hmun chep takah sak a ni a, nikum kumtir atang khan an luah tan nghe nghe a, an sa mek zel bawk a. An ram chin chiah chiah ah ban an phun a, kan ram lamah hian cm 1 pawh tawlh theihna an nei lo a, insi in kan awm a ni ber mai.

In sak that ve kan tum a, lei kan lai a, an ban phuna hrul, kan ram chin chiahah kan lai a, khatia kan lai kha, an ram lama lei kha tlem a rawn tla ta deuh a, (hetilai kan indanna ban hrulah hian lung remchhoh an tum thu pawh ban an phun tirhin an sawi tawh a). An chowkidar hnenah an ram chin an tihdan tur chungchang an upa te hnena lo hrilh turin ka pa in a ti a, tukin khan an rawn kal a, an awki an rawn san nghal ngawt a, "Hetianga lai turte chu engatinge min rawn hrilh lo, min rawn hmasak loh, rawn sawi tur che u a lawm in laih hma in," te an ti a. Kan ram chin a kan tihtur kan ti a, anni kan rawn na tur chhan kha a awm emawni le?? An rawn thinrim ringawt lehnghal, pakhat phei kha chuan, "Hei khawih hmasak tur dang in ngah alawm," te a tia. Kan insak turah hian lei laih hmasak a ngai a, kan lai a ni mai a, an nin a khawih hmasak tur min hrilh tur kha an ni lo ka ti ve tlat. An tawng nasa mai, keini pawh kan ngawi bik lo.

A hrim hrim in, ban an phun dawna a khur an laih pawhin in ram lamah hian leivung hi kan lo paih hrih anga, nakinah kan paihfai leh mai ang an ti a, chu chu kan remti nghe nghe a, chu pawh chu tun thlengin an la paih zo lo. An thil tihdan mak tak tak sawi tur a tam lutuk.

Mi chhe te pawh ni ila, kan ram chin humhalh ngam lo kan ni bik lo a, kan ram chin kan khawih dan tur lehzela rawn an phut hi mak ka ti... Biakin tha neih duh luat tukah hian khua pawh an hmu lo zo ta niin kan hria. Vantlang kawng, Biakin Compound chhunga an khung dan te chu... sawi tawh lo mai teh ang.