Show Ropui

Nimin a post tawh tur kha a nia, hun ka nei lo a, tlai khawhnuah ka han thai lang ve lawk. Ngawihpui atan chuan a uiawm em mai.

Beijing Olympic Closing Ceremony pui zia kha. Pui tawp! Pathianni zan khan Live in a chhuak a, inkhawm turin ka insiam vek tawh hnuah ka entui lutuk a, inkhawm lo a han entlang mai pawh a chakawm rualin, inkhawmloh phah nana hman atan chuan chhuanlam a tling si lo; se vanneihthlak takin, a tuk zingah replay, a zana ka enhman loh zawng chu ka en ta tho. Mit a tlai ve khawp mai. A hranpa a han sawi vak tur pawh ka hre lo... a pui, show ropui berte zinga mi a ni ngei ang. 2012 Olympic thleng tur London aiawh chuan hetianga ropui a tih an inbeisei loh vangin an intlawhkhalh lawk sa bawk si. China ramah hian mihring an tam thlawn ngawt lo tih khawvel mipuite hi min hriattir ni berin ka hria.

Ti daih ila, an stadium hming Bird's Nest Stadium tih hi ka duh reuh riau. Lehlawks, Sunday a Basketball final kha tlem ka en a, Spanish player-ah khan min duh chi an awm nual in ka hria :D