Lemziak te hi Rs. 15000 man a ni a, June ni 6 thleng phochhuah a ni dawn. A nalh hlawm a, Rs. 15000 atan chuan a to lo hle in ka hria, Zo (a bikin hmanlai) lampang hawi vek a ni a, a hmuna en phei chuan kalsan a har. Keimahin ka kal a, ka en rei khawp mai, "Mahni ngata rawn kal a rawn en chu i tui hle tihna a nia, chubakah i en chik in i en uluk peih hle a, ka lawm khawp mai," te min lo ti a, a ziaktu pawh a fel.
Lemziak thiam lo mah ila, thiam ve hi ka chak hle a, Lemziak thiamte hi ropui ka ti in ka ngaisang a, rilru a lo awm ang te, suangtuahna te midang te hmuh ve theih tura an tilang thei hi thil ropui takah ka ngai. Thlalak tlem ka han post tel a, a hmun ngei a en nen chuan a inthlau khawp mai. Lehlawk, hetiang exhibition neih thin hian, Zo lampang deuh hlir hi an phochhuak thin a, danglam deuh te pawh hi phochhuak ve thin se ka ti khawp mai.
3 comments:
kei chu a nalh ka ti ringawt a, leiah chuan to ka ti deuh zel. Mah se an fakawm nalh tih chu kei pawhin ka thiam
Mawi hlawm hle mai a, amaherawhchu han comment dan vak pawh ka thiam lo. A chhan chu mawm, Lemziak hi han fak vak dawn ila i ziah a ni bawk si lo a, han sawisel vak dawn ila, nangman nalh i ti bawk sia, i lo thimrim pui ve trung awm bawk sia. Kei ai chuan lemziak chu a thiam hle tih erawh ka chiang e.
@vaiva & phiss - Ka blog tlawm taka in lo comment ve thin vangin ka lawm e, ka tawngkam thiamloh ang2 hian in lo chhiar ve chu ni awm sia..
A lem ka tar chhuah ai hian a takah a nalh a nia... nia, a tuipui mi leh mi lo te hi awm ve nia...
Post a Comment