Tuna ka thu ziah tur vang hian 'superstitious' ah min ngai maithei se, kei chuan superstitious ka inti miah lo a nia. lolzzFriday (30.5.08) khan ka cuz in pasal a nei a. Ka hnathawhna atanga kal ka nih vangin ka inthlakna thawmhnaw vel leh ka bag chu ka cuz pakhat te inah hmanhmawh deuhin an kawngkapui bul lawka thuthlengah chuan ka thehthla tawp a, an in chu ka kalh sak leh thlap. Dar 12 ah inneih inkhawm tan a ni a, inneih zawh kan thut khawmuan deuh hnuah inthlak turin ka thawmhnaw dahna te inah chuan ka kal a. Chutah chuan, bag chhunga ka wallet kan en chu ka pawisa pakhat mah a lo awm tawh lo, a lo ruak vek. Vanneihthlak takin a hma in 150 ka lo la chhuak hlauh a, a bak Rs. 160 chu a bo vek. Ka bag zipper a lo chhe bawk. 100 tlang pakhat leh 50 tlang leh 10 tlang a awm a. Ka wallet a ka dah ka ATM card leh thil pawimawh dang chu a awm leh awm loh ka en vat a, ka bag te pawh chu ka check leh thlap a, thil dang chu a bo lo hlauh. Ka cuz hnenah chuan engmah ka sawi duh lo, an in atanga bo a ni sia, hreawm an ti ang tih ka hlau a.
Ka sawi tum tak kan sawi tawh ange, ka wallet chhung cheng 10 tlang khi, ka dahthat ka hman phalloh leh nalh ka tih deuh, ka hlut em em Rs. 10 chhuak hlui a dum chi ngei mai kha a nia, ka kawlna a rei angreng tawh. Tichuan, hmanah hetiang deuh tho hi ka tawng tawh bawk, chumi tum chuan tuna mi ang bawk hian Rs. 10 dum chi hmang phal lo in ka wallet ah ka dah a, reitak ka kawl tawh tih hnuah bazarah wallet chawpin a bo daih. Hemi tum hnih tihloh chu pawisa emaw wallet ka tihbo ka la hre miah lo. Rs. 10 dum chi hi ka tan 'bad luck' emaw ni le.. se a nalh ka ti sia. Ka kawl that leh pawhin ka wallet ah ka dah tawh miah lo ang.
6 comments:
Yes yes yes!!! Bad luck ni chiang eeee!!!! i Rs.10 note dum chi neih zawng zawng mi rawn thawn nghal rawh, ka address ka rawn pe ang che! A hlaawm lutuk tiang ang kawl hi.
:-)
Kei pawh ka wallet ah college luh lai kha chuan ka vai thiante sap rama awm ho in an ram pawisa min pek hi ka dah tet zel. Chung chu tunah chuan a thler vek tawh. :))
keichu maw ka ngaihdan chuan, thil kan tih bo hian kan vanduai vang te chu ni teh meuh mahse, a tam zawk hi chu, kan fimkhur tawk loh vang hi a ni duh thrin khawp mai. Nangmah i fimkhur lo ka tihna lam ni lovin, tuna i thil tihbo chungchangah pawh hian, pawisa awmna Bag leh nghal chu thruthleng-ah khan vawm thla ringawt lo deuhin khawi laiah emaw han dah thra ta la chuan.........
@illusionaire : hehe ka rn thon nghal vek ang che... :)
@phiss : i soi dik e, se tunah chuan se bo hnu a se kongkhar ang vel a ni toh e
Ka nuithlet tep!!! Cheng sawm "dum" a vanneih leh vanduai inghah chi amaw ni le? Engpawhnise, lucky cheng sawm dum kha ngeizawng deuhte wallet-ah a dah chi dawn kha! he he... kei chu ka duh miah lo ania :-))
@vaiva - ni viau mai tiraw?? se, thil nih ve duh deuh hmel te hi a awm ve a, chutiangin ka ring bur chuang lova... thil ziah zirna pah a ni e. :)
Post a Comment