Christmas kan hnaih tawh sia, a boruak hu lum leh ri nuai nuai hi ka van ning tak. Hei hi kumtina Christmas ka nghahhlelhlohna chhan pakhat chu a ni ve chiang a lawm. Khawilai emaw reh deuh nuam deuh a lo awm bo lawkna tur ka duh ngei mai. (Yeah... i need not be reminded that am boring.... i already know :) )

Chhungkaw dinhmun a inchen lova hetiang hunah hian naupang mahni duh ang nei ve thei lo te hi ka rilru ah an awm thin, an rualpui ten thil tha leh thar nalh tak tak an nei a, an awt ve tih pawh an hmelah a lang reng, an khawngaihthlak ka ti. Kumin phei hi chu engmah thil thar ka lei dawn lo, heng naupang an duh ang thil thar nei ve lo tan liau liau pawh. An tan hian thil tha tak tihsak thei ila ka va ti em, ka tihsak theihtawk hi a tlem em a ni.